சிவானி பொறியியல் கல்லூரி

“சிவானி பொறியியல் கல்லூரியில் வளர் தமிழ் பேரவை சார்பில் தீபாவளி சிறப்பு பட்டிமன்றம்”

நிகழ்ச்சி அறிக்கை

• சிவானி பொறியியல் கல்லூரியில் வளர் தமிழ் பேரவை சார்பில் தீபாவளிப் பண்டிகையை முன்னிட்டு 05.11.2026 அன்று பிற்பகல் 2.00 மணியளவில் கல்லூரி வளாகத்தில் சிறப்பு பட்டிமன்ற நிகழ்ச்சி சிறப்பாக நடைபெற்றது.

• இந்நிகழ்ச்சியின் மையத் தலைப்பாக “பண்டிகைகள் வளர்ப்பது – உறவுகளையா? உணர்வுகளையா?” என்ற தலைப்பில் பட்டிமன்றம் நடைபெற்றது.

• நிகழ்ச்சிக்கு வளர் தமிழ் பேரவையின் ஒருங்கிணைப்பாளரும், கணினி அறிவியல் மற்றும் பொறியியல் துறைத் தலைவருமான திரு .ஜவஹர் அவர்கள் வரவேற்புரை வழங்கி நிகழ்ச்சியைத் தொடங்கி வைத்தார்.

• பட்டிமன்றத்தின் நடுவராக கட்டடப் பொறியியல் துறை உதவிப் பேராசிரியர் திரு. கே.பி. ரவிக்குமார் அவர்கள் கலந்து கொண்டு சிறப்பான முறையில் பட்டிமன்றத்தை வழிநடத்தினார்.

• முதலாம் ஆண்டு பல்வேறு துறைகளைச் சேர்ந்த மாணவ, மாணவியர்கள் ஆர்வத்துடன் பங்கேற்று தங்களது கருத்துகளையும், நகைச்சுவை கலந்த சிந்தனைகளையும் அழகாக வெளிப்படுத்தினர்.

• பட்டிமன்றத்தில் பங்கேற்ற மாணவ, மாணவியர்கள்:

       1.கமலிஸ்ரீ (Kamali Sree)

       2.மதுமிதா (Madhumitha)

      3. அக்ஷய் ஆனந்த் (Akshay Anand)

       4.நிஷாந்தினி (Nishanthini)

     5.கௌஷிகா (Kowshika)

       6.தனுஷ்யா (Dhanushya)

• இந்நிகழ்ச்சியில் கல்லூரியின் துணை முதல்வர் டாக்டர் வி. பாலசுப்ரமணியம் அவர்கள் பங்கேற்று பட்டிமன்றத்தில் கலந்துகொண்ட மாணவ, மாணவியர்களைப் பாராட்டி கௌரவித்தார்.

• இந்நிகழ்ச்சியை கணிதத் துறைத் தலைவர் திரு.S.ஸ்டாலின் அவர்கள் சிறப்பாக ஒருங்கிணைத்தார். கல்லூரியின் அனைத்துத் துறைகளைச் சேர்ந்த துறைத் தலைவர்கள், பேராசிரியர்கள் மற்றும் மாணவ, மாணவியர்கள் பெருந்திரளாகக் கலந்து கொண்டு நிகழ்ச்சியைச் சிறப்பித்தனர்.

• நிறைவாக, வளர் தமிழ் பேரவையின் ஒருங்கிணைப்பாளர் மற்றும் கணினி அறிவியல் மற்றும் பொறியியல் துறைத் தலைவர் திரு.ஜவஹர் அவர்கள் நன்றியுரை வழங்கினார்.

• இப்பட்டிமன்றம் மாணவர்களின் பேச்சாற்றல், சிந்தனைத்திறன், தமிழ்மொழிப் பற்று மற்றும் மேடைப் பேச்சுத் திறனை வளர்க்கும் வகையில் அமைந்ததுடன், தீபாவளிப் பண்டிகையின் மகிழ்ச்சியையும் உறவுகளின் மேன்மையையும் உணர்த்தும் சிறப்பான நிகழ்வாக அமைந்தது.

  “தமிழ் வளர்ப்போம்! தமிழால் இணைவோம்!! பண்பாட்டைப் போற்றுவோம்!!!”